Lied "Nei säget sölle mir" (Mani Matter)

• Musik und Text: Mani Matter

Text

Nei säget sölle mir vo nüt meh andrem tröime Mir wo müesse läben i de gottvergässne Stedt Wo men uf em Trottoir louft und wenn men über d Strass wott Mues warte bis me vom'ne grüene Liecht d Erloubnis het Und we mes nid so macht, de wird men überfahre Isch das der Ändpunkt vo'r Entwicklig vo füftuusig Jahre   Nei säget sölle mir vo nüt meh andrem tröime Mir wo müesse schaffe i're gottvergässne Stell Wo me win es Redli isch i're Maschine Wo niemer überluegt und wo eim gseit wird was me söll Und we me nid geng ufpasst wird men überfahre Isch das der Ändpunkt vo'r Entwicklig vo füftuusig Jahre   Nei säget sölle mir vo nüt meh andrem tröime Als beschtefalls vo Ferie vierzäh Tag lang am'ne Meer Wo me Kriminal-Romän list under Palme Für chly z'gseh wi's wär wenn ds Läben intressanter wär Bis dass me schliesslich froh isch wider heizue z fahre Isch das der Ändpunkt vo'r Entwicklig vo füftuusig Jahre

Nei säget sölle mir vo nüt meh andrem tröime Als sälber einisch z wärde wi di bess're Here, wo E Swimmingpool im Garte hei und uf Safari Göh, solang si no ke Härzinfarkt hei übercho Solang si mit em Merz no i ke Boum sy gfahre Isch das der Ändpunkt vo'r Entwicklig vo füftuusig Jahre   Nei säget sölle mir vo nüt meh andrem tröime Mir wo müesse läben i de gottvergässne Stedt

Musik

2/4
1. - 4. Strophe:
|Am_______|C_______|________|Dm______|
|G7_______|________|________|Am______|
|_________|________|________|E7______|
|_________|________|________|Am______|
|_________|Dm______|________|G7______|
|_________|F_______|________|E7______|
|_________|

Schluss:
|E7_______|________|Am______|________|
|_________|E7______|________|________|
|_________|Am______|

---