|
Live 16. Dezember 1999 [Radioaufnahme aus dem Casino in Herisau]
Ja... i cha em Adolf Ogi nume zuestimme, wenn är seit: "Wir sind ein Volk von Sitzern". Jetz stöht ihr scho der ganz Abig da, zahlet därewäg Iitritt für üs alti Deppe z' lose. Merci vilmal... U glych, weme heichunnt nach all dene Toure u ds Mikrofon stinkt wienes Hundechörbli u mi weiss, mi isch sälber dert gsy. När isch me froh über s' eigete Bettli, weme im eigete Bettli cha schlafe, när chame schlafe, dänkt me sich z'Japan. Aber z Japan isches ja nid eso schlimm gsy, dert ischs unger Sumo glüffe. Ändlich wieder deheim im eigete Bettli. Ligeni da u wott schlafe, schlafe, schlafe, u cha nid schlafe - wili nachedänke über gsundi Ernährig.
U vilich dänken i... u plötzlich heissts: "Was isch?" - "S'isch nüt. I nime nume ne Schluck Wasser." U i lige da u dänke na
u mir fallt y: im Chüelschrank hets ja no e Gurkesalat. Obwohl i Gurkesalat nid eso gärn ha, vor allem wenn ke Cervelat dinn isch. Obwohl er wär früsch, öppe zwöi Tag alt. Aber zum Glück hets ja no es halbs Pouleeet... im Mieleee-e-eh... u liisli, liisli mach i mi ufe Wäg u bi scho fasch bim Mieleee-e-eh. - Plötzlich ghör i e Stimm: "Was isch?" - "I ha nume myni Tablette vergässe. Schlaf du rueig." U witer gangi häre zum Miele. U s' brönnt kes Liecht ir ganze Stadt... nume im Chüelschrank hets no Liecht. U i gang häre u nimme mi Hasemuet zäme u rysse d' Türe uf - aah!!
Da hockt öpper! I mym eigete Schüelschrank! Är isch gross u schwarz u schwigt - es mues der Bundeskanlzer Kohl sy. Aber nei, der Kohl chas nid sy, är het die Goffere nid derbii. Ah - Nella! D Nella, i gesees ar Frisur: La bella fritella di Nella... "Hallo Nella!" - Ke Antwort. Aber d' Nella chas nid sy, wil dert hets sone komischi Cervelat mitere komische Markebezeichnig: es heisst "Manta" druff, u zwe herti Eier. Ds Poulet isch gfrässe, der Gurkesalat isch furt. U d Nella chas nid sy, sie isch jetz dünner. Wenn i zwöi Kilo abnime, gseet das niemer. We die zwöi Kilo abnimmt steits ir Schwyzer Illustrierte. - U jetz isch sie no lesbisch, da chan i gar nüm mithalte. Aber d' Nella chas nid sy, wil i gsee, dä Tüp dört drinn isch grösser u het e Strohhuet an - aah!
John Brack!! John, get out of my refrigator! Where is my chicken, John? Get out of my refrigerator, John!! - Myni Häng schwäbe über myne Colts, em John syni Häng schwäbe über syne Colts, mir luegen üs aa, es isch füf vor Zwölfi. Es isch Zwölfi u nüt passiert. Hey, die Sou! - Es passiert nüt, da fallt mer y, der John chas nid sy, er isch z' Texas ufere Tournee mit synere Magewamabalambam... Es packt mi es metaphysischs Grusle, wie das dr Mani Matter usdrückt. U i stange da ratlos, schockiert u empört. Plötzlich bislet mi dä Tüp no no aa - usem eigete Chüelschrank aagschifft!! Ernst August, raus aus dem Kühlschrank! Das ist kein Pavillon! Es packt mi glych en Angst u i stürze zum Liechtschalter, schaltes aa u - aah!! Es isch so schrecklich, i muess es zwöimal säge - aah!! Es isch ja gar nid der Mieleee!!!
Es isch der Spiegelschaft im Badzimmer!
Guete Morge, trüebi Fyge
Usem Spiegel luegsch mi aa
Migottseel, isch dä Tüp düre
Ehrlich gseit, es kompletts Wrack
Was? Dä Arsch mit Bart sött i sy?
Ehrewort, i stryttes ab
Nie! Nie, nie, nie chan i mit mir elei sy
Gäng isch die trüebi Fyge da
Woa woa woa woa woa woa woa
E sone heimlifeissi Fyge
Tuet eso als wär sie mi
I cha üf die höööchschte Bärge stige
Niederhorn, Beatebärg, Jungfroujoch, Gurte
Die trüebi Fyge isch derbii
U chunt der Tag
U das isch todsicher
Wen är mi nimmt, der Fährimaa
Frag nid, wär dert so blöd kicheret
Im Toteboot grad hingedraa
Woa woa woa woa woa woa woa
I bi nid i u da chan i nid druus
Gäng bin i mir hingedra
Oder e Nasespitz voruus
I bi nid i u das isch vilich mys Glück
Uf Tüpe wie uf mi griffen i nur i de allersältenschte Fäll zrügg
Woa woa woa woa woa woa woa
I bi nid i u wen är seit är syg i muess i säge
I weiss sälber, wär i bi, i bi nid i
I bi nid i, i chas nid gsi sy
Scho gar nid da mit däm Gurkesalat
I ha nid gärn Gurkesalat
U o mit em Poulet chan is nid gsy sy
We i nid i bi chan is nid gsy sy
Dä mit em Poulet da
I bi nid i, i bi nid i
I bi nid i, i bi nid i
Nenei, das cha nid sy
Aber i wills em Endo gärn usrichte
I bi nid i, la lalala
Woa woa woa woa
Studio 2001 oder 2002
Guete Morge, trüebi Fyge
Usem Spiegel luegsch mi aa
Migottseel, isch dä Tüp düre
Ehrlich gseit, es kompletts Wrack
Was? Dä Arsch mit Bart sött i sy?
Ehrewort, i stryttes ab
Nie, nie chan i mit mir elei sy
Gäng isch die trüebi Fyge da
Woa woa woa woa woa woa woa
E sone heimlifeissi Fyge
Tuet eso als wär sie mi
I cha üf die höchschte Bärge stige
Jungfroujoch, Hurte, Munot, Wyssestei
Die trüebi Fyge isch derbii
U chunt der Tag
U dä chunnt todsicher
Wen är mi nimmt, der Fährimaa
Frag nid, wär dert hinge so blöd kicheret
Im Toteboot grad hingedraa
Woa woa woa woa woa
I bi nid i u da chan i nid druus
Gäng bin i mir hingedra
Oder e Nasespitz voruus
I bi nid i, das cha nid sy
...
U das isch vilich mys Glück
Uf Tüpe wie uf mi griffen i nur i de allersältenschte Fäll zrügg
<a href=http://www.datacomm.ch/mik/stillerhas/internett.html target=_top>Stiller Has</a> | E-Mail: <a href=mailto:mik@datacomm.ch>Michael</a> |
CH: Sound Service