Lied "Ds Heidi" (Mani Matter)

• Musik und Text: Mani Matter

Text

Är wohnt a dr glyche Gass Und i bi mit dir i d'Klass So ischs cho, das mir grad beidi Ds Härz a di verlore hei Heidi, mir wei di beidi Beidi, Heidi, hei di gärn   Är isch grosse Held im Sport I probieres meh mit Wort Jeden uf sy Art umwärbe Mir di, Heidi, ig und är Heidi, mir wei di beidi Beidi, Heidi, hei di gärn   Zum Bewys är heig di gärn Schiesst är Gool bi FC Bärn Ig erkläre mi dir schlicht I Form vo lyrische Gedicht Heidi, mir wei di beidi Beidi, Heidi, hei di gärn

Jede Sunntig dänksch am Mätsch Är syg dä wo d'lieber hätsch Findsch daheim vo mir e Brief De chehrt sech ds Blatt, du süfzgisch tief Heidi, mir wei di beidi Beidi, Heidi, hei di gärn   S'het nid chönne wytergah Hesch nid beidi chönne ha Schliesslech hei du är und i gseit Heidi, jitz entschliessisch di Heidi, entscheid di, beidi Wei di, beidi chasch nid ha   Hätti gwüsst wis usechunnt Einisch ire schwache Stund Hesch du di verlobt, s'isch zvil Mit ihm am Sunntig nach em Spil Nei, di Entscheidig, Heidi Nei dy Bscheid - i bi enttüüscht

Dadrus han i glehrt, dass hütt Nümm so vil erreicht, wär d'Lüt Mit Literatur erchlüpft Wi wär a ds rächten Ort hi stüpft

Musik

4/8
|Am______|Dm__Am__|____F___|____Am__|
|________|Dm__Am__|E___Am__|____E7__|
|C_______|G7______|C_______|G7__C___|

Letzte Strophe:
|Am______|Dm__Am__|____F___|____Am__|
|________|Dm__Am__|E___Am__|E___Am__|

---