Es isch mal gsii, soviel isch sicher, dass i vergässe ha
U dr Räscht isch nüm so wichtig, drum bini furt u glych no da
Chüschele liisli myni Lieder u du wirsch mi nid vermisse
Vilech chumii hüt nid zu dir u gange mit dr Byse

U we das alles zäme nid glogen isch, när isch s de wenigschtens nid wahr
We d Sunne chunnt när bini ume furt
U es het mi ufezoge, i bi gfloge - fäderliecht
Fäderliecht... mit em Ballon

Ig gseh mys Ättiland vo obe aber irgendwenn emal luegen is vo unden aa
Gseh scho dr Louch vo unge ryfe u flüge mit em Rouch vo myre Pfyfe
I bi ne alti Schpinnhumpele u hange mit de Füess am Plafond
U d Wält isch halb so schwär wenn i abhebe mit em Ballon

Mys Hemmli isch us Luft u Gras u d Schueh hani verchouft
I weiss i bin ä Schuft, i bi verduftet
Es het mi wie ne Sandmaa verluftet
Fäderliecht, mit em Ballon

Uf u dervo, mit em Ballon
I weiss es git e Himmu u dä isch blau
U i disem schwäben i dervo
U i füehle mi so frei mit mir elei u muess glych obenabe cho

S het s nume Päpscht u Abschtinänzler, Bessermacher... nume dr Liebgott weiss vo nüt
Es isch nid wie bire Budefiir wo z Änd geit sondern für die ganzi Unändlichkeit
U we das alles zäme nid glogen isch, när isch s de wenigschtens nid wahr
We d Sunne chunnt när bini ume furt
Es het mi ufezoge, i bi gfloge - fäderliecht
Uf u dervo, uf udervo... mit em Ballon