I bi nid hei cho hüt ir Nacht u heig mi ufgfüert bi der Budefiir
U i bi dert glandet wo d Buebe bös si und d Meitschi tüür
I bi nid go schaffe hüt am Morge, i bi eifach blybe lige
Am Zwöufi steit der Ruchti i der Türe u seit i müessi nümme cho

I wott hüt nid scho wieder Todesaazeige drucke
Mit all de näme vo dene arme, arme gschtorbne Lüt
I wott hüt nid scho wieder... lieber büglen ig vergäbe
I wott hüt nid scho wieder mit em Ruchti rede

I bi nid ufgwacht hüt am Morge, es isch my Gottseel scho Mittag gsi
U i cha mir sälber nid erkläre, warum dass i so truurig bi
Sys di böse Buebe, di tüüre Meitschi oder die tote Lüt
Es isch dr Bleisatz wo mi abeschriisst, i wott nume furt vo hie u süsch nüt

Der Ruchti seit i sig e fuuli Sou u ds glyche seit o syni Frou
Wo o nümm da isch, ja blöd schnurre cha jede
Aber i weiss genau: i wott nie meh mit em Ruchti rede

I ha e z höche Buechdruck aber d Frou Dokter seit es chönn nüt si
U gliich gschpüre ni töif töif töif dinn i mir mys Zipperli
Es isch heiss, es isch heiss und es heisst es wird no heisser
I bi schpät heichoo, ha schlächt gschlafe u usserdäm no tröimt i sygi tot

I wott hüt nid scho wieder Truuraazeige drucke
I packe myni siebe Sache zäme u weiss es git e längi Reis
I wott hüt nid scho wieder... i bi no am Läbe
I wott hüt nid scho wieder mit em Ruchti rede

Der Ruchti seit i sig e fuuli Sou u ds glyche seit o syni Frou
Wo o nümm da isch, ja ja, blöd schnurre cha jede
Aber i weiss genau: i wott nie meh mit em Ruchti rede
Nie meh, nie meh

Der Ruchti seit i sig e fuuli Sou u ds glyche seit o syni Frou
Wo nümm da isch, ja blöd schnurre cha jede
Aber i weiss genau: i wott nie meh mit em Ruchti rede
Nie meh mit em Ruchti rede
Nie meh, nie meh