|
Live 1996
Wo chömid dir alli här? [...] das isch e Insider-Information.
Mir gö natürlech itz mitemne Huuffe Technik um wo mir früecher nie um si gange. Mir gö nid nume mit Granium um, mir müesse ono mit Technik umga. Es isch eifach eso äh, das me sich a das ersch mues gwöhne. Mir hei albe Lüt gha, also vierzg, füfzg, sächzg, siebezg, mängisch isch achtzgi gsy, nä isch usverchouft u hüt isch e wahnsinnige Rummel. U alli Lüt säge: "Eh, wie haltid dir das us, eh, dermasse veriinahmt da? Veriinahmt? Füehlet ir euch nid wahnsinnig veriinahmt?" Isch klar, oder, weme echli Iinahme het isch me sofort veriinahmt. Aber weme sich chli verusgabt, de weis o niemer, worum me Iinahme het. Mir si wäg däm wahnsinnig schlächt zwäg, gäu Balts? Är isch schlächt zwäg. Mir hei wäg däm müesse en Aromatherapie aafa, aber s het nüt gnützt. Eine het gseit, i heig itz zwölftuusig CD verchouft - "Du, weisch was, du muesch chli ufpasse uf di, du muesch chli ufpasse!" Ja ja, der eint seit das, der anger seit dies. Aber s wichtigschte isch de glych, was d Mamma seit!
D Mamma het gseit, d Mamma het gseit
I syg em Tüüfel ab em Chare gheit
U der Père würd sich im Grab umdreihe
Wenn är wüssti, was hie geit, het d Mamma gseit
Wäwäwäwäwäwäwäwäwäwä... het d Mamma gseit
I syg em Tüüfel ab em Chare gheit, het d Mamma gseit
D Mamma het gseit: Du bringsch mi no is Grab
Du bisch die gröschti Sorg uf mini alte Tag, het d Mamma gseit
D Mamma hets gseit, d Mamma hets gseit, d Mamma hets gseit
I syg em Tüüfel ab em Chare gheit
D Mamma het gseit: Alls was Gott verbotte het hesch gmacht, het d Mamma gseit
Iibroche bisch am Tag u usbroche bisch ir Nacht, het d Mamma gseit
D Mamma hets gseit, d Mamma hets gseit
D Mamma hets gseit, d Mamma hets gseit, d Mamma hets gseit
I syg em Tüüfel ab em Chare gheit, het d Mamma gseit
Die einte hei s Glück, het d Mamma gseit, u die angere hei de Chrampf
U i ha nume Chrämpf mit dir gha, Sohn, du bisch e Galgestrick, het d Mamma gseit
D Mamma hets gseit
D Mamma het gseit: Nie hesch di chönne benäh
Überall wo d bisch düregritte hets furchtbar Lampe gäh, het d Mamma gseit
D Mamma hets gseit
D Mamma het gseit, sie hätt sich gschyder grad ertränkt
Als dass si somne Satansbrate wie mir ds Läbe hätt gschänkt, het d Mamma gseit
D Mamma het gseit: Fertig itz mit Strichli mache, het d Mamma gseit
Du machsch mer hie kes Mannli meh
Drum gang, het d Mamma gseit, aber gang mit Gott
I chönnts nid ertrage, wenn di der Landjäger wieder würd näh
Het d Mamma gseit, het d Mamma gseit
D Mamma hets gseit, d Mamma hets gseit, d Mamma hets gseit
Het d Mamma gseit, i syg em Tüüfel ab em Chare gheit
Wenn d nüt hesch, no muesch es halt näh, het d Mamma gseit
U we sie der nüt gäh, nä muesch es halt stähle, het d Mamma gseit
Aber wenns dermasse soublöd aastellsch när mues halt i befähle, het d Mamma gseit
I syg em Tüüfel ab em Chare gheit, het d Mamma gseit
Drum gang, aber gang mit Gott
I chönnts nid ertrage, wenn di der Landjäger wieder würd näh, het d Mamma gseit
D Mamma hets gseit, d Mamma hets gseit, d Mamma hets gseit
D Mamma hets gseit
Studio 1997
D Mama het gseit, d Mama het gseit, i syg em Tüüfel ab em Chare gheit, het d Mama gseit
U der Père würd sich im Grab umdreihe, wenn är wüssti, was hie geit, het d Mama gseit
D Mama hets gseit
D Mama het gseit: "Du bringsch mi no is Grab,
du bisch die gröschti Sorg uf mini alte Tag", het d Mama gseit
D Mama hets gseit, i syg em Tüüfel ab em Chare gheit, het d Mama gseit
D Mama hets gseit
D Mama het gseit: "Nie hesch di chönne benäh,
überall wo d bisch düregritte hets furchtbar Lampe gäh", het d Mama gseit
"U alls was Gott verbotte het hesch gmacht", het d Mama gseit
"Iibroche hesch am Tag u usbroche bisch ir Nacht", het d Mama gseit
D Mama hets gseit, d Mama hets gseit, d Mama hets gseit
i syg em Tüüfel ab em Chare gheit het d Mama gseit
"Die einte hei s Glück u die angere hei de Chrampf", het d Mama gseit
"u i ha nume Chrämpf mit dir gha, Sohn, du bisch e Galgestrick", het d Mama gseit
D Mama hets gseit, d Mama hets gseit, i syg em Tüüfel ab em Chare gheit, het d Mama gseit
"U scho als Chind bisch so hässlech gsy
dass nid emal der Hung mit dir het wölle spiele", het d Mama gseit
Aber du bisch mis Lieblingschind," het d Mama gseit
D Mama het gseit, sie hätt sich gschyder grad ertränkt
Als dass si somne Satansbrate wie mir ds Läbe hätt gschänkt, het d Mama gseit
"Fertig itz mit Strichli mache, du machsch mer hie kes Mannli meh
Drum gang, aber gang schnäll u gang mit Gott
I chönnts nid ertrage, wenn di der Landjäger wieder würd näh", het d Mama gseit,
D Mama hets gseit, d Mama hets gseit
D Mama hets gseit, i syg em Tüüfel ab em Chare gheit, het d Mama gseit
D Mama het gseit, "Wenn d nüt hesch, no muesch ders halt näh", het d Mama gseit
U we sie der nüt gäh, nä muesch es halt stähle", het d Mama gseit
"Aber wenns dermasse blöd aastellsch när mues halt i befähle", het d Mama gseit, "I, dini Muetter!"
"Drum gang, gang schnäll aber gang mit Gott
I chönnts nid ertrage, wenn di der Landjäger wieder würd näh," het d Mama gseit
D Mama hets gseit, d Mama hets gseit, d Mama hets gseit
D Mama hets gseit, i syg em Tüüfel ab em Chare gheit, het d Mama gseit
|
CH: Sound Service